26 студзеня 2022 г. — 115 гадоў з дня нараджэння Яфрэма Аўрамавіча Александрава (1907–1987), удзельніка Вялікай Айчыннай вайны, Ганаровага грамадзяніна г. Іванава (1974)
Яфрэм Аўрамавіч Аляксандраў нарадзіўся 26 студзеня 1907 г. у вёсцы Гіжэнка Слаўгародскага раёна Магілёўскай вобласці у сялянскай сям’і. З дзяцінства працаваў на сельскай гаспадарцы бацькоў, вучыўся ў школе. З красавіка 1926 г. па ліпень 1927 г. — загадчык паштовага агенцтва ў в. Гіжэнка. Са жніўня 1927 г. па верасень 1929 г. працаваў кацельшчыкам-зборшчыкам на металургічным заводзе імя Дзяржынскага ў г. Днепрадзяржынск Днепрапятроўскай вобласці.
7 студзеня 2021 г. — 90 гадоў з дня нараджэння Івана Андрэевіча Паліўкі (1926–1975), удзельніка Вялікай Айчыннай вайны, Героя Сацыялістычнай Працы (1966), заслужанага меліяратара БССР
Іван Андрэевіч Паліўка нарадзіўся 7 студзеня 1926 г. у в. Пераруб Драгічынскага павета Палескага ваяводства (цяпер Рудскага сельсавета Іванаўскага раёна Брэсцкай вобласці) у сялянскай сям’і. У 1934–1939 гг. вучыўся ў польскай школе в. Хомiчава, якая за 3 км ад дома, за Дняпроўска-Бугскiм каналам, з 1939 г. у той жа школе, але з савецкімі настаўнікамі.
23 чэрвеня 2021 г. — 60 гадоў з дня нараджэння Валерыя Анатольевіча Кухарчука (1961), паэта, літаратара, журналіста
Валерый Анатольевіч Кухарчук нарадзіўся 23 чэрвеня 1961 г. у пасёлку Індустрыяльны Нурынскага раёна Карагандзінскай вобласці (Казахстан), куды бацькі-беларусы па камсамольскай пуцёўцы паехалі на асваенне цалінных зямель. Дзяцінства Валеры прайшло ў в. Ляхавічы Іванаўскага раёна Брэсцкай вобласці.
6 снежня 2021 г. — 75 гадоў з дня нараджэння Марыі Пятроўны Гарупа (1946–2016), грамадскага дзеяча, журналіста, ганаровага грамадзяніна г. Іванава і Іванаўскага раёна (2016)
Марыя Пятроўна Гарупа (дзявочае Піліпенка) нарадзілася 6 снежня 1946 г. у вёсцы Сувіды Брагінскага раёна Гомельскай вобласці ў вялікай сялянскай сям’і. Пасля Чарнобыльскай катастрофы родная вёска перастала існаваць. Пасля заканчэння Савіцкай сярэдняй школы Марыя Піліпенка паступіла ў Мазырскі педагагічны інстытут, які скончыла ў 1967 г.
2 студзеня 2021 г. — 85 гадоў з дня нараджэння Антона Рыгоравіча Навумаўца (1936), доктара фізіка-матэматычных навук, прафесара, акадэміка Нацыянальнай акадэміі навук Украіны (1997)
Антон Рыгоравіч Навумавец нарадзіўся 2 студзеня 1936 г. у в. Рудск Пінскага павета Палескага ваяводства (цяпер Іванаўскага раёна Брэсцкай вобласці). У 1945–1952 гг. вучыўся ў Іванаўскай сярэдняй школе. Паступіў на радыёфізічны факультэт Кіеўскага дзяржаўнага ўніверсітэта, які скончыў з адзнакай у 1957 г. Тады ж пачаў працаваць у Інстытуце фізікі Акадэміі навук Украінскай ССР.
15 кастрычніка 2021 г. — 75 гадоў з дня нараджэння Анатоля Іванавіча Дзенісейкі (1946), пісьменніка-дакументаліста, публіцыста, краязнаўца
Анатоль Іванавіч Дзенісейка нарадзіўся 15 кастрычніка 1946 г. у в. Вулька-Антопальская Драгічынскага раёна Брэсцкай вобласці. Пасля заканчэння Антопальскай сярэдняй школы праходзіў тэрміновую службу ў Савецкай арміі (1965–1968). У 1973 г. скончыў юрыдычны факультэт Беларускага дзяржаўнага ўніверсітэта імя У. І. Леніна.
1 верасня 2020 г. — 20 гадоў з дня адкрыцця ДУК «Іванаўская дзіцячая школа мастацтваў народнай дэкаратыўна-прыкладной творчасці» (2000)
Намаганнямі начальніка аддзела культуры Іванаўскага райвыканкама У. В. Шэляговіча і аднадумца-энтузіяста В. І. Голіка ў г. Іванаве Брэсцкай вобласці была створана дзіцячая школа бондарства — першая ў Беларусі. Адкрылася яна 1 верасня 2000 г. у асобным будынку па вул. Камсамольскай. Першым яе дырэктарам быў назначаны архітэктар і дызайнер Васіль Іосіфавіч Голік, якому давялося распрацаваць праграму і вучэбны план, зацвердзіць іх у шасці міністэрствах.
5 сакавіка 2020 г. — 70 гадоў з дня нараджэння Уладзіміра Васільевіча Шэляговіча (1950–2020), работніка культуры, ганаровага грамадзяніна Іванаўскага раёна (2020)
Уладзімір Васільевіч Шэляговіч нарадзіўся 5 сакавіка 1950 г. у вёсцы Агдэмер Драгічынскага раёна Брэсцкай вобласці ў сялянскай сям’і. З маленства яго цягнула да песні, да ігры на гармоніку, якая сагравала душу і дарыла радасць. Яго бацька, Васіль Васільевіч, валодаў прыгожым звонкім голасам і ўсяляк падтрымліваў захапленне сына музыкай. Калі той вучыўся ў 9-м класе, купіў яму вялікі тульскі баян, які той самастойна асвоіў і стаў першым баяністам на ўсю акругу.
15 студзеня 2020 г. — 80 гадоў з часу ўтварэння Іванаўскага раёна (1940)
Іванаўскі раён утвораны 15 студзеня 1940 г. у складзе Пінскай вобласці. У кастрычніку 1940 г. падзелены на 19 сельсаветаў. З 8 студзеня 1954 г. у складзе Брэсцкай вобласці. 25 снежня 1962 г. Іванаўскі раён быў скасаваны, тэрыторыя перададзена Драгічынскаму і Пінскаму раёнам. 6 студзеня 1965 г. адноўлены ў сучасных межах.
29 чэрвеня 2020 г. — 115 гадоў з дня нараджэння Мікалая Мікалаевіча Кольчака (1905–1969), удзельніка Грамадзянскай і Вялікай Айчыннай войнаў, Героя Савецкага Саюза
Мікалай Мікалаевіч Кольчак нарадзіўся 29 чэрвеня 1905 г. у мястэчку Янаў-Палескі Кобрынскага павета Гродзенскай губерні (цяпер г. Іванава Брэсцкай вобласці) у сям’і служачага. Жыў з бацькамі ў Маскве і Петраградзе, дзе бацька працаваў юрысконсультам. У 1916 г. Мікалай Кольчак скончыў рэальнае вучылішча. У снежні 1917 г., калі яму споўнілася трынаццаць, у Кранштаце запісаўся юнгай на карабель Балтыйскага флоту, служыў на лінкоры «Андрей Первозванный».